l'onna
pintga, ina dunna veglia viva cun sia beadia en petra paupradad.
l'anna haveva piars ses geniturs en ina lavina. ellas ein aschi
paupras, ch'ei tonscha buca pils pli pigns basegns dil mintgadi. ei
resta ad ellas nuot auter che dad ir a rugar tiels vischins per in
toc paun ni in migiel latg.
sil
santeri vegn engulau ossa ord ina fossa. il sacristan lai protocolar,
ch'el hagi viu l'onna pintga el medem temps leu. quei ha tunschiu per
suspectar ella dad esser ina stria. ei vegn aunc vitier ch'ella ei
stada per schabetg sin viseta sin in bein puril, ch'ei vegnius
satraus dad ina lavina cuort suenter. e che l'onna pintga veva strihau
sur il dies d'ina vacca, ch'ei crapada pli tard. adina dapli suspects
ed aviras meinan ella avon dertgira. paucs emprovan da defender ella.
ei dat negina schanza da salvar ella avon la peina da mort. l'onna ei
buca la suletta, era auters, oravontut dunnas vegnan suspectadas da
far striegn.
quei
roman historic dat in ferm maletg dalla veta e dallas relaziuns da
pussonza viers la fin dil 17. tschentaner. da quei temps ch'ils
carstgauns ella surselva vivevan en cuminonzas ruralas, per part fetg
isoladas. per paucs fuv'ei pusseivel da survegnir ina buna scolaziun,
biars eran nunscolai ed ignorants. cardientschas blauas eran extrem
derasadas. la baselgia catolica veva quasi tut la pussonza ed era
omnipresenta. ella era pli datier als rehs e beinstonts che als
paupers. glieud debrastgada ch'era d'in auter meini e che
s'engaschava pil dretg dallas accusadas, vegneva suspectada da far
sezza striegn.
ina
descripziun impressiunonta, plein da maletgs da cuntradas e
carstgauns, muossa la veta da gliez temps e lai prender part a sorts
individualas. in maletg da quella societad rurala, ch'ei interessants
e plein tensiun da leger dall'emprema tochen la davosa pagina.
Keine Kommentare:
Kommentar veröffentlichen